ايصفاهان´دا شاعير "سهند " اوچون بير آغيرلاما مراسيمي

كئچه ن پنجشنبه گونو 22/2/84 (12/ماي/2005 ) تاريخينده ايصفاهان شهه رينين "مالك اشتر" آدينا اونيوئرسيته سي نين تورك اؤيره نجيلري طرفيندن آذربايجان´ين آدليم شاعيري "سهند " اوچون بير آغيرلاما مراسيمي توتولدو. بو مراسيمه ايصفاهان´ين باشقا اونيوئرسيته لرينده تحصيل آلان تورك اؤيره نجيلري ده يارديم ائتميشديلر. مراسيم ،ايصفاهان´ين ياخينليغيندا يئرله شه ن " شاهين شهر " شهه رجييينين سينئما سالونوندا تورك اؤيره نجي لرينين ايشتيراكي ايله كئچيريلدي .

بو مراسيمه تئهران´دان ، يازيچي و تدقيقاتچي مهندس حسن راشدي ، شاعير و آراشديريجي حسين محمد خاني (گونئيلي) ، آذربايجانلي اؤيره نجيلر توپلومو (توپلوم) باشقاني دوكتور حسين سولطاني و گنج شاعير " ياشيل " ايشتيراك ائتميشدي . مراسيم ساعات 30/13- دان باشلاياراق ساعات 16 – قده ر داوام ائتدي .

بو مراسيمده " سهند " ياراديجيليغي حاقدا ، و سهند´ين شئعرلرينده ميللي مووضوعلارلا باغلي معروضه لر و شئعرلر اوخوندو. بو مراسيمده ايصفاهان اونيوئرسيته سينين تورك اؤيره نجيلريندن اولان " سليمانپور" ايسه "سهند " حاققيندا گؤزه ل معروضه ايرايه ائتدي. مراسيمدن سونرا قوناقلار صفوي دؤوروندن قالان تيكينتي اثرلردن گؤروش ائتديلر.

آراز اهرلي